Германските истражувачи спроведоа студија објавена во часописот „Clinical Infectious Diseases“, а резултатите од нивното истражување покажаа дека 77,1 процент од пациентите со Ковид имале симптоми на болеста дури една година откако се заразиле.
Најчестите симптоми кои траеле една година биле намалена способност за вежбање (56,3%), замор (53,1%) и проблеми со концентрацијата (39,6%), покажала студијата.
Истражувачите откриле дека само еден симптом – опаѓање на косата – опаднал помеѓу пет и 12 месеци, при што инциденцата паднала од 26,1% на 10,4%.
Најчестите симптоми кои траеле една година биле намалена способност за вежбање (56,3%), замор (53,1%) и проблеми со концентрацијата (39,6%), покажала студијата
Од друга страна, симптомите како што се диспнеа, т.е отежнато дишење и проблеми со дишењето и замор значително се зголемиле. Инциденцата на диспнеа се зголемила од 27,1% на 37,5%, а заморот се зголемил од 41,7% на 53,1%.
„Долгорочните неврокогнитивни симптоми на Ковид може да се задржат најмалку една година по појавата на првите симптоми на Ковид-19 и можат значително да го намалат квалитетот на животот“, велат истражувачите.
Оваа студија уште еднаш потврди дека луѓето кои се борат со Ковид можат да чувствуваат симптоми со месеци откако биле заразени со коронавирус. Претходните студии покажаа дека оваа состојба повеќе ги погодува жените отколку мажите, пренесува „Форбс“.
Понатаму, според неодамнешното истражување објавено во списанието „Lancet’s E Clinical Medicine“, повеќе од 200 симптоми се поврзуваат со долгиот Ковид, а тие влијаат на дури десет органски системи во телото.
Некои од симптомите пријавени од пациентите биле: осип, лупење на кожата, проблеми со варењето на храната, грчеви во мускулите, губење на слухот, тинитус, замор, халуцинации, губење на меморијата, треперење, треска, болка во грлото, заматен вид, конјунктивитис, отежнато дишење, искашлување крв, кивање, сува кашлица, промени на прстите на нозете, несвестица итн.
