ПИШУВА:
Проф. д-р Катарина Ставриќ
педијатар-имунолог
♦♦♦♦♦♦♦
Вакцинација за превенција на Ковид-19 сама по себе во ограничени количини не е доволна за да го превенира ширењето на вирусот во заедницата. Затоа препорачаните мерки за заштита од инфекција (носење маски, социјална дистанца и миење раце) треба да продолжат и по примање на вакцината
Спроведување на вакцинација за превенција на Ковид-19 е најверојатно најдобар начин да се справиме со пандемијата.
Генерално децата се асимптоматски или со лесни симптоми на Ковид-19. Вакцината е многу важна првично да се даде кај возрасните и тоа здравствени работници, постари лица и тие со хронични болести. Секогаш прво се тестираат вакцини кај возрасни лица, а потоа кај деца и бремени жени.
Првично вакцината е испитувана кај возрасни постари од 16 години. Сега започнуваат тестирања и кај деца на возраст помеѓу 12-16/17 години се со цел да се обезбедат информации за безбедноста и ефикасноста кај оваа возрасна група. Во оваа, 2021 година би требало да се видат првични резултати за ефикасноста и безбедноста на вакцината кај деца.
Пандемијата со Ковид-19 не потсети колку се важни вакцините. Без заштита од вакцината, Ковид-19 многу брзо се прошири и немајќи специфична терапија доведува до тешки последици по здравјето на луѓето.
Редовната имунизацијата да не се прекинува и во услови на пандемија
Сите соодветни меѓународни институции како што се Светската здравствена организација, УНИЦЕФ, Европскиот центар за контрола на болести препорачуваат и во услови на пандемија да не се прекинува редовната имунизација.
Генерално децата се асимптоматски или со лесни симптоми на Ковид-19
За да се избегне епидемија од вакцино-превентивни заразни болести и да се обезбеди висок опфат на имунизација и колективен имунитет, важно е редовно продолжување на имунизацијата согласно вакциналниот календар.
Ковид-19 го промени нашиот секојдневен живот, но имунизацијата не треба да се прекине, напротив треба да продолжи бидејќи ги штити децата од сериозни заболувања.
Вакцинација за превенција на Ковид-19 сама по себе во ограничени количини не е доволна за да го превенира ширењето на вирусот во заедницата. Затоа препорачаните мерки за заштита од инфекција (носење маски, социјална дистанца и миење раце) треба да продолжат и по примање на вакцината.
