Потребно:
За кората:
- 1 шолја (мала) овесни снегулки
- ½ шолја кокосово брашно
- 1/3 шолја какао
- 1 лажичка прашок за печиво
- 2 лажици мелен лен
- ½ шолја рендано темно чоколадо
- ½ шолја јогурт
- 3 јајца
- 1/3 шолја јаворов сируп или мед
За филот:
- 170гр крем сирење
- 2 шолји јогурт
- 3 лажици јаворов сируп
- ½ лажичка мед
Подготовка: Прво загрејте ја рерната на 180 степени и калапот за печење премачкајте го со масло. Измешајте ги овесните снегулки, кокосот, какаото, прашокот за печиво, лененото семе и чоколадото во блендер и измиксирајте. Потоа додадете го јогуртот, јајцата јаворовиот сируп и матете уште половина минута. Ставете го тестото во подготвениот сад за печење (тестото ќе биде тенко) и печете 30 минути. Оставете кората целосно да се олади. Филот подгответе го така што ќе ги изматите сите состојки со миксер. Врз оладената кора нанесете го филот и оставете да отстои тортата во фрижидер. Украсете со кокос или чоколадни трошки.
