Потребно:
ЗА ТЕСТОТО:
- Главица карфиол
- 40гр моцарела
- Едно јајце
- Чешне лук
- Сол и бибер
ЗА ПРЕЛИВОТ:
- По желба, кашкавал, моцарела, доматен сос, свежи домати, маслинки, домашна печеница или друга месна преработка погодна за деца, оригано, печурки…
Подготовка: Ставете еден литар вода во тенџере да зоврие, а рерната уклучете ја на 220 степени да се загрее. Иситенете го карфиолот со блендер, но не премногу, добро е да останат и поголеми парчиња. Ставете го карфиолот не подолго од 4 минути во водата, да омекне. Најважно е по вадењето од вода, карфиолот да го оставите да се олади и потоа убаво да го исцедите, за да не ви се распадне тестото. Направете го тоа со помош на крпа, низ која ќе ја истиснете целата вода од варениот карфиол. Во добиената сува смеса, измешајте го јајцето, моцарелата, зачините и лукот изрендан. Убаво измешајте. Во тава ставете хартија за печење, намастете ја и во неа притиснете го добиеното тесто. Печете го 20 минути, односно додека не порумени. За тоа време, подгответе ги состојките за преливот, извадете ја пицата, наредете се на неа и печете уште 10 минути.
