Потребно:
- 2кг кајсии
- 500гр шеќер
- 200мл вода
- Сок од еден лимон
Подготовка: Кајсиите измијте ги и извадете ги семките. Во тенџере ставете го шеќерот со водата и варете додека не се стопи шеќерот. Потоа додадете ги кајсиите и сокот од лимон и варете со постојано мешање до саканата густина. Пожелно е да не биде времето покусо од 45 минути. Жешкиот џем ставете го во жешки тегли и убаво затворете. Потоа теглите ставете ги во рерна на 90 степени, еден час. Потоа исклучете ја рерната и оставете ги теглите да отстојат преку ноќ.
