Потребно:
- 500 гр пилешко месо
- 200 гр суви ребра
- 1 чаша ориз
- 2 главици кромид
- 6 свежи пиперки
- 1 мала тиквичка
- 2 моркови
- 2 домати
- 1 компир
- Мелен црвен пипер
- Суви зачини
- Сол
- Црн пипер
- Ловоров лист
- Масло за јадење
Подготовка: На масло пропржете го крупно исечканиот кромид, додадете ги пиперките исечкани на коцки, па се заедно пропржете. Потоа, додадете ја тиквичката и компирот, по кусо време и сувите ребра, па зачинете со сол, бибер и мелен црвен пипер и сè заедно оставете да се динствува 10-тина минути. Тргнете од оган, па додадете го измиениот ориз и измешајте. Тавата за печење намачкајте ја со масло, па во неа префрлете го ѓувечот и наредете ги исечканите домати. Зачинете го пилешкото со сол и бибер, па ставете го во садот. Печете на 210 степени околу еден час за да испари течноста. Добар апетит!
