РЕЦЕПТ НА ДЕНОТ: Две вкусни кашички од праска +4м.

Ова се едностави рецепти за брза подготовка на оброци за бебе на возраст од четири до осум месеци.  Дали сте знаеле дека единствена разлика помеѓу праските и некатрините е што некатрината е мазна, поситна и поароматична? Затоа, во секој рецепт, наместо праски, може да се користи и некатрина.

Праските се богати со витамин Ц и А, содржат и многу растителни влакна. Познати се по своето диуретско дејство, па на бебињата кои страдаат од констипација често им се даваат како природен лаксатив.

Праска со банана (за возраст од 4 до 6 месеци)

Потребно:

  • 1 праска
  • Половина банана, средна големина

Подготовка: Излупете ја праската и извадете ја семката, Ако сметате дека е неопходно малку сварете ја прската на пареа, а потоа изгмечете ја. Потоа изгмечете ја и бананата и измешајте ја со праската.

Праска со тиква (за возраст од 6 до 8 месеци)

Потребно:

  • 2 праски
  • 100гр тиква

Подготовка: Обарете ја тиквата, додадете ја праската (која по желба може исто да ја обарите на пареа) и се заедно испасирајте.