РЕЦЕПТ НА ДЕНОТ: Кашичка од цвекло, телешко и компир

Оваа здрава, вкусна и по боја весела кашичка може да се подготви за бебиња постари од осум месеци. Цвеклото е намирница која се користи при лекување на анемија кај деца и кај возрасни. Телешкото месо е важен извор на протеини и железо во исхраната на бебето, а богато е и со калциум (дури 2-3 пати повеќе од свинското месо). Доколку немате во моментот телешко месо, користете друго месо, како пилешко или мисиркино.

Потребно:

  • 40 гр телешко месо
  • Половина цвекло (помала големина)
  • Компир

Подготовка:

Месото исечете го на помали парчиња, ставете го во тенџере и прелијте со вода. Кога водата ќе зоврие, соберете ја создадената пена, поклопете и варете на тивок оган околу еден час. Компирот излупете го, измијте го и исечете го на коцки. Двесетина минути пред карј, додадете го во тенџерето со месо и оставете да се вари. Цвеклото измијте го и варете го одвоено околу еден час. Извадете го од водата да се олади и полека излупете ја кората. Компирот, месото и половина од свареното цвекло измиксирајте ги со додавање на вода во која се вареле компирот и месото.