Потребно:
- 1 авокадо
- ½ банана
- 1 тиквичка
- 20мл млеко (мајчино или адаптирана формула)
- 1 гр ситно исчекано нане
Подготовка: Излупете ја тиквичката и исечкајте ја на коцки. Ставете да се вари околу 8 минути од моментот на вриење, и тоа заедно со нането. Излупете ги авокадото и бананата и исечкајте ги на коцки. Кога тиквичката ќе биде сварена, исцедете ја и со останатите состојки изблендирајте го додека не добиете еднолична каша. Проверете ја температурата на оброкот пред да му ја дадете на бебето, иако не треба да биде жежок, бидејќи сите останати состојки, освен тиквичката се ладни.
