Потребно:
- 500гр исчистена тиква
- 2 помали јаболки
- 1 виолетов кромид
- 2 чешниња лук
- 2 лажици маслиново масло
- ½ лажива сув зачин
- Сол
- Црн пипер
- Мелено мускатно оревче
- 2 лажици препечени семки од тиква
- Ситно сечкан свеж магдонос
Подготовка: Тиквата, заедно со јаболките исечени на половина, кромидот и лукот, ставете ги во тавче претходно обложено со хартија за печење. Наросете ги со маслиново масло, покријте ги со алуминиумска фолија и ставете да се печат во загреана рерна на 200 степени. Печете ги околу 40 минути, односно дека тиквата не омекне. Внатрешноста од тиквата извадете ја со лажица, а потоа заедно со јаболките, кромидот и лукот изгмечете ги во пире. Ставете ги во тенџере, додадете вода за да ја добиете саканата густина, сув зачин, сол, пипер и мускатно оревче. Загрејте до точка на вриење, па кога ќе проврие, варете неколку минути. Топлата супа послужете ја со наросени семки од тиква и сечкан магдонос. Добар апетит!
