Потребно:
- 400 мл млако млеко
- 1 квасец
- 1 лажица шеќер
- 2 јајца
- 50 мл масло
- 700 гр брашно
- 1 лажичка сол
- 1 л масло (за пржење)
- 50 гр шеќер во прав (за посипување)
- Намаз по желба
Подготовка: Во еден сад изматете ги свежиот квасец и шеќерот во млекото. Додадете половина од брашното и измешајте во изедначена смеса. Во помал сад изматете ги јајцата и солта и додајте ги во смесата. Додадете го маслото и сè добро измешајте, а потоа додадете ја другата половина од брашното и сè заедно измешајте со лажица или миксер во густо и лепливо тесто. Посипете со малку брашно, покријте го со сува крпа и оставете го на топло место да одмори додека тестото не се удвои. Тестото ставете го на работна површина посипана со брашно, малку измесете го, посипете со малку брашно и расукајте го со дебелина од 1 сантиметар. Исечете кругови со модла или чаша. Наредете ги крофните во плех посипан со брашно и покријте ги со чиста крпа 20 минути. Загрејте го маслото на средна топлина. Ставете ги крофните во маслото така што страната што била на плехот долу сега е нагоре. Се пржат на средна температура на загреано масло. Кога ќе поруменат, превртете ги и испржете ги од другата страна. Во средината треба да остане бел прстен. Тргнете ги од маслото на кујнска хартија за да се впие вишокот маснотии. Додека крофните се уште се топли, посипете ги со шеќер во прав или наполнете ги по желба. Добар апетит!
