Кус-кус е производ добиен од преработка на пченица. Станува збор за здрав извор на јаглехидрати, кој е особено добар за малите деца бидејќи претставува и одличен извор на протеини (околу 12,7%), неопходни за детскиот раст и развој. Содржи и неопходни количини на минерали и витамини, како што се калциум, магнезиум, фосфор, витамини Б колплекс, тиамин, рибофлавин…
Потребно:
- 80гр кус-кус
- Половина тиквичка
- Еден мал морков
- 80гр мелено говедско месо
- Малку маслиново масло
Подготовка: Сварете го кус-кусот според упатствата на производот што го користите. Во тавче, на малку путер испржете го меленото говедско месо, па додадете ги морковот и тиквичката, кои претходно сте ги изрендале. Измешајте ја смесата со зеленчук и месо во кус-кусот и на крај додадете малку маслиново масло. Послужете му го оброкот на детето, откако ќе се олади.
