Потребно:
- Пилешки гради
- Брокула
- Тиквички
- Домати
- Пиперка
- Кисела павлака или грчки јогурт
- Тестенини
- Кокосово масло или масло по желба
- Сол
- Црн пипер
- Зачини по желба
- Сок од лимон или лимета
Подготовка: Месото, доматите, пиперката и тиквичките исечкајте ги на помали парчиња. Варете ја брокулата околу 10 минути во врела вода или на пареа. Зачинете го пилешкото и пропржете го на кокосово масло или масло по избор. Кога ќе биде готово, одвојте го во посебен сад. Сварете ги тестенините според упатството. Измешајте го исечканиот зеленчук со пилешкото и додадете малку павлака или јогурт и лимон или лимета. Во смесата додадете ги сварените тестенини и измешајте. Изладете и послужете. Добар апетит!
