Потребно:
- 500 мл павлака за шлаг
- 100 гр шеќер
- 1 ванилин шеќер
- 4 листови желатин
- 200 гр свежо овошје по избор (на пр. јагоди, малини, боровинки)
- 2 лажици шеќер
- Сок од еден лимон
Подготовка: Во тенџере на средна температура загрејте ја павлаката за шлаг, шеќерот и ванилиниот шеќер, мешајќи додека шеќерот целосно не се раствори. Во меѓувреме, потопете ги листовите од желатин во ладна вода неколку минути за да омекнат. Кога павлаката ќе се загрее, тргнете го тенџерето од оган. Исцедете ги листовите од желатин и додајте ги во врелиот крем, мешајќи додека целосно не се растворат. Истурете ја смесата во калапи или чаши и ставете ја во фрижидер да се стегне панакотата, по можност преку ноќ. Подгответе го овошниот прелив со блендирање на свежо овошје, шеќер и сок од лимон во блендер или миксер. Кога ќе се стегне панакотата, пред послужување прелијте ја со овошниот прелив. Добар апетит!
