Потребно:
- 500гр свежи шампињони
- 2 главици кромид
- 100гр сува сланина
- 2 лажици масло
- 2 чешниња лук
- 10 кришки леб
- 250мл млеко
- 200мл кисела павлака
- 3 јајца
- Лажица сушен зачин
- Магдонос
- Сол, бибер и оригано
Подготовка: Исчистените шампињони се сечат на тенки листови. Кромидот и лукот ситно се сечкаат, а сланината се сече на тенки ленти. на загреано масло кусо се пржи сланината, да се додава кромидот, па печурките. Се заедно динствувајте, малку посолете, ставете бибер и додадете го лукот, малку оригано, магдонос свежи и сувиот зачин. Во намастена тава редете кришки од лебот, претходно натопени во млеко, за да го покриете целосно дното на тавата. Врз лебот распоредете половина од количината со печурките, па повторно ставете ред од натопениот во млеко леб. Одозгора ставете ја преостаната количина со печурките. Се прелијте со мешавина од јајцата и павлаката. Вака подготвеното јадење ставете да се пече во рерна на 160 степени, околу 20 минути.
