Потребно:
- 800гр компири
- 4 парчиња пилешки стек
- 1 шака несолени кикирики
- 2 јајца
- 1 лажица брашно
- 1 пиперка
- 2 млади кромидчиња
- 800гр свеж спанаќ
- 2 лажици масло за печење
- 1 лажица маслиново масло
- 1 лажичка кора од лимон
- Сол, црн бибер
Подготовка: Излупете ги компирите и исечкајте ги на стапчиња. Во танџере зовријте 2 литра вода со малку сол. Ставете ги стапчињата компир во водата и оставете ги да се варат 8 минути. Потоа, исцедете ги компирите. Парчињата стек исчукајте ги со толчник, и наросете сол и црн бибер на нив. Во линија разматете ги јајцата, па измешајте ги со брашното и малку сол. Кикириките иситнете ги. Стековите прво валкајте ги во смесата со јајца и брашно, а потоа во кикириките. Ставете ги во тавче претходно обложено со хартија за печење. Рерната претходно загрејте ја на 190 степени и печете го месото околу 20 минути. Спанаќот измијте го и говете го во посолена вода околу три минути. Процедете го и ставете го под млаз ладна вода за да ја задржи зелената боја. На маслиновото масло динствувајте го младиот кромид и пиперката исечена на тенки ленти. Додадете го спанаќот и кората од лимон, па зачинете по желба. Гответе околу 10 минути. Во тавче ставете малку масло и ставете ги сварените стапчиња компир малку да заруменат и да добијат златна боја. Стековите послужете ги со чипсот од компир и зеленчукот.
