Потребно:
- 0,5 кг пилешки гради
- 0,5 кг тиквички
- Брашно
- Масло за јадење
- Сол
- Црн пипер
- ½ пилешка коцка за супа
Подготовка: Пилешкото исечкајте го на ленти, додадете црн пипер, посолете и извалкајте го во брашно. Пржете ги во сончогледово масло додека не заруменат, околу 5 минути. Извадете ги од тавата и во истата маснотија пропржете ги исечканите тиквички. Зачинете со сол и бибер и вратете го месото. Додадете малку вода во која сте раствориле половина коцка концентрат од пилешка супа. Динствувајте додека месото не омекне. Послужете со ориз и салата. Добар апетит!
