Потребно:
- 500 гр брашно
- 1 прашок за печиво
- 1 лажичка сол
- 180 гр кисела павлака
- 180 мл јогурт
- 3 лажици масло
- 2 јајца
- Маст за подмачкување на калапот
Подготовка: Јајцата измешајте ги со павлаката, јогуртот и солта. Додадете го маслото, па полека почнете да го додавате брашното со прашокот за печиво. Прво измешајте со лажица, а потоа со рака месете додека не се изедначи. Префрлете се на набрашнета површина, убаво замесете и оставете околу десет минути. Загрејте ја рерната на 220 степени и премачкајте го калапот со растопена маст. Погачата префрлете ја во калапот/тавчето за печење и со нож исечете ја на неколку места. Намалете ја температурата на рерната на 200 и ставете ја во рерната. Печете 30 до 35 минути. Испечената погача попрскајте го со вода и завиткајте ја во крпа да се излади. Добар апетит!
