Потребно:
За 4 лица
Тесто:
- 750гр брашно
- 500мл млеко
- 1 квацес
- 2 лажички сол
- 1 лажичка шеќер
- 100мл зејтин
Полнење:
- 500гр сирење
- 500гр спанаќ
- 4 јајца
- 1 лажичка сол
- Сусам
- Јајце и јогурт за премачкување
Подготовка: Замесете тесто од сите состојки и оставете го половина час да нарасне. Спанаќот измијте го, ситно исечкајте го и помешајте го солта, па убаво исцеедете. Потоа спанаќот соединете го со сирењето, јајцата и по желба додадете уште малку сол. Тестото премесете го, поделете го на два дела и оставете уште 15 минути да одмори. Развлечете тенко тесто во оформа на правоаголните, полнете го и свиткајте го во ролат. Сечете полжавчиња со дебелина од два прста па редете ги во намастено тавче за печење. Истото повторете го и со вториот дел од тестото. Јајцето измешајте го со една лажица јогурт, а може и павлака, и на секое полжавче ставете по една лажица. Наросете сусам и оставете да надојдат уште 15 минути. Печете на 220 степени, првите 10 минути, па намалете на 200 степени и печете додека не добијат румена боја. Добар апетит!
