РЕЦЕПТ НА ДЕНОТ: Телешко рижото

Месото е неизоставендел од детската исхрана. Во исхраната може, а и се препорачува да се воведе по 6. месец од животот на детето. Тоа во прв ред е најдобар и најцелосен извор на белковини, односно аминокиселини кои се градбено ткиво на организмот, како и извор на многу важни микронутриенти како што се железото и витаминот Б12. На доенчето не е потребно да му се дава месо секој ден, но треба да се има на ум дека тоа е многу важен дел од геновата исхрана. Месото најдобро е да се комбинира со зеленчук и житарки, како ориз и пченка.

Потребно:

  • 30гр телешко месо
  • Една супена лажица ориз
  • Половина морков
  • Една четвртина келераба
  • Гранче магдонос
  • Половина чаена лажичка маслиново масло

Подготовка: Телешкото месо сварете го заедно со морковот, келерабата и гранчето магдонос. Одвоено може да се свари оризот. Сварениот ориз малку измиксирајте го и додадете го телешкото месо, претходно измиксирано со морковот и со келерабата.
Напомена: Ако бебето има проблеми со столицата, може да се користи и интегрален ориз, но имајте на ум дека овој тип на ориз треба да се вари подолго.

ПОВРЗАНИ НАПИСИПОВЕЌЕ ОД АВТОРОТ