РЕЦЕПТ НА ДЕНОТ: Тестенини со брокула

Ова е рецепт за едноставен ручек полн со витамини за децата. Брокулата освен што изобилува со витамини, воедно спречува и стомачни проблеми, болести на срцето, а ја штити и кожата и очите од сончевите зраци.

Потребно:

  • 200гр интегрални тестенини
  • 300гр брокула
  • 2 лажици маслино масло
  • 1 чешне лук
  • 10 шери домати

Подготовка: Сварете ги тестенините според упатствата. Во меѓувреме, исечете ја брокулите на цветчиња и варете ги во зовриена вода 3 минути. Исцедете ги и оставете ги на топло. Мини доматите исечете ги на половина и ситно исечкајте го лукот. Загрејте го маслото во голема тава и додадете ги лукот и брокулата. Гответе, мешајќи, 1 до 2 минути и додадете ги исцедените тестенини со мини доматите. Гответе, мешајќи, 1 до 2 минути. Добар апетит!