Сакате детето што побрзо да прозбори? Еве што треба да направите!

Ако сакате вашето дете да прозбори брзо, стручњаците велат дека треба да разговарате со него колку што е можно почесто.

За детето да научи да зборува, важно е родителот да разговара со него уште од најрана возраст, без оглед на тоа што тогаш веројатно и не ве разбира што му зборувате. Читајте му или пејте му, а активностите како цртање, шетање или готвење, вербализирајте ги за да може додека ве гледа и слуша да учи и да „разговара“.

Усвојувањето на говорот е природен процес, исто како и трчањето. Децата не мора да ја тренираат оваа вештина, туку лесно самите учат да зборуваат. Ако детето расте во здрава средина, нема да има никакви потешкотии да го научи својот мајчин јазик. Но, која е улогата на возрасните во овој процес?

Ако сакате вашето дете да прозбори брзо, стручњаците велат дека треба да разговарате со него колку што е можно почесто.

„Начинот на кој се обраќаме кон децата е важен“, потенцираат педијатрите. Според нив родителите имаат најголемо влијание врз говорот на децата кога зборуваат со своите деца задоволно и спонтано и се интересираат за нивните теми.

Читајте му или пејте му, а активностите како цртање, шетање или готвење, вербализирајте ги за да може додека ве гледа и слуша да учи и да „разговара“.

„Дојдовме до сознанија дека најважната компонента во развојот на говорот кај детето е количината на комуникација со повратни информации, а не бројот на зборови кои ги слушаат“, изјавил предводникот на студијата Рејчел Ромео, објаснувајќи дека конверзацијата создава силни врски во мозокот.

Треба да се има на ум дека не е важно само да му се зборува на детето, туку и да се вклучи во комуникацијата, за да покрај развојот на говорот, детето усвои нов речник и динамика на комуникацијата. Според ова истражување, дете кое расте во такви околности, има поголеми шанси да биде социјално и емоционално развиено, научено на слушање, набљудување, интеракција и имитација. Затоа родители, зборувајте и комуницирајте што повеќе со своите деца.