Откриена филипинска мутација на коронавирусот во Велика Британија: Лекарите загрижени, се истражува колку е опасна

Јапонските здравствени власти рекоа дека оваа варијанта на коронавирусот се разликува од оние откриени во Бразил, Јужна Африка и Велика Британија. Загрижува тоа што тие веруваат дека би можела да претставува посериозна закана, како што се новите мутации кои се посмртоносни и позаразни од оригиналниот сој

Оваа варијанта вклучува голем број значајни мутации, вклучувајќи ги E484K и N501I, кои може да се најдат во неколку други загрижувачки варијанти

Во Велика Британија се регистрирани два случаи на нова мутација на коронавирусот, која за прв пат е детектирана на Филипините. Во моментов не е познато каде точно се пронајдени случаите во земјата, или дали варијантата е позаразна од претходните соеви.

„Јавното здравство на Англија идентификуваше два случаи на оваа варијанта. Еден од случаите е поврзан со меѓународни патувања, а вториот во моментов е под надзор. Оваа варијанта вклучува голем број значајни мутации, вклучувајќи ги E484K и N501I, кои може да се најдат во неколку други загрижувачки варијанти“, информираа официјални лица од Министерството за здравство.

Новата мутација на коронавирусот за прв пат е детектирана на Филипините

Јапонските здравствени власти рекоа дека оваа варијанта на коронавирусот се разликува од оние откриени во Бразил, Јужна Африка и Велика Британија. Загрижува тоа што тие веруваат дека би можела да претставува посериозна закана, како што се новите мутации кои се посмртоносни и позаразни од оригиналниот сој.

Јапонските медиуми објавија и дека филипинската мутација би можела да биде далеку поопасна, бидејќи може да го неутрализира влијанието на антителата, дури и на оние добиени со вакцината, пренесува „Вечерње новости“.