И покрај потенцијалните компликации, нејзиното бебе тешко 3,3 килограми се родило во октомври во „Auckland City Hospital“. Момчето е во одлична здравствена состојба
Неименувана жена во изјава за „New Zealand Herald“ вели дека и покрај ризиците од породување на нејзина возраст, и тоа како вредело – а нејзиното здраво машко бебе се роди во октомври во градската болница во Окленд.
Се верува дека претходниот рекорд за најстара мајка „кивијанка“ е 56 години.
„Мојата ќерка веќе ме разубеди од оваа идеја во 2015 година, но јас си помислив: Па, ова не е нивен живот, и и не сакав никој да каже нешто што ќе ме предомисли“, изјавила пензионерката, која веќе има четири деца и три внуци за „NZ Herald“.
Тамошните и клиниките за плодност во Австралија, наводно, одбиле да ја третираат, па затоа зачнувањето се случило во Грузија. Таа забременила од првиот обид, точно на време пред европските и азиските нации да започнат со затворање на границите под налетот на COVID-19.
Навреме се вратила во Нов Зеланд, токму пред првото заклучување, каде што нејзиното семејство – кое верувало дека била на скијање – сфатило што навистина се случува.
Клиниките за плодност во Нов Зеланд и Австралија, одбиле да ја третираат, па затоа зачнувањето се случило во Грузија. Таа забременила од првиот обид
„Имаше од сите оние чудни работи како намалување на големината на моето кафе и шприцови во фиоката, мали модринки на стомакот од антикоагулантните инјекции и објави на Фејсбук во обид да префрлам 6000 евра и колку тоа беше тешко. До моментот додека стигнав дома тие ја составија сложувалката“.
И покрај потенцијалните компликации, нејзиното бебе, тешко 3,3 килограми се роди во октомври во одлична здравствена состојба. Нејзиниот доктор, сега наводно, е среќен да и пружи уште ИВФ третмани доколку сака да има уште едно бебе.
Најстарата мајка на светот беше 74-годишната Ерамати Мангама од Индија, која доби близнаци со царски рез во 2019 година. (Newshub)
