Истражувачите идентификувале три компоненти на овој специфичен вид на анксиозност: постојана грижа (која предизвикува симптоми како што се силно, забрзано чукање на срцето, промени во апетитот и вртоглавици), преокупираност со грижи и стравови и „избегнувачко“ однесување, а сето тоа е директно поврзано со добивање или ширење на Ковид-19
Терминот коронафобија се користи за опишување на стравот од Ковид-19, кој на некои лица им го загрозува функционирањето во секојдневниот живот. Иако сè уште не се работи за официјална дијагноза, дефинитивно станува збор за состојба која се повеќе луѓе ја доживуваат.
Се смета дека терминот на нарушувањето потекнува од студија објавена во Азискиот журнал за психијатрија во декември 2020 година.
Истражувачите идентификувале три компоненти на овој специфичен вид на анксиозност: постојана грижа (која предизвикува симптоми како што се силно, забрзано чукање на срцето, промени во апетитот и вртоглавици), преокупираност со грижи и стравови и „избегнувачко“ однесување, а сето тоа е директно поврзано со добивање или ширење на Ковид-19.
Луѓето со коронафобија може да избегнуваат одење на јавни места, допирање површини или влегување во затворени простории со други луѓе, дури и ако тоа се смета за мал ризик. Тие, исто така, веројатно ќе покажат прекумерно повторување на однесувањата како што се миење раце или чистење. Истражувачите објаснуваат дека коронафобијата „може да го наруши целокупниот квалитет на секојдневното функционирање на поединецот“. Со други зборови, може да го преземе секојдневниот живот на човекот. Според студијата од февруари 2021 година, едно лице со коронафобија три пати на ден ја чистело маската за лице со метанол – поради што сериозно се разболело поради вдишување опасни испарувања.
Добрата вест е дека, како и другите анксиозни нарушувања, и коронафобијата може да се лекува. Тоа може да се постигне преку когнитивна бихевиорална терапија (КБТ), а така се решаваат и слични фобии околу чистотата и микробите, пишува британски „Метро“.
