Се уште е нејасно дали вакцинирањето го намалува ризикот од пренесување на COVID-19, вели британскиот министер за здравство

„Знаеме дека вакцината ги намалува шансите да добиете COVID-19, да бидете хоспитализирани или да умрете од COVID-19, но она што сè уште не го знаеме е колку може да го пренесувате COVID-19 откако ќе ја примите вакцината“, рече Мет Хенкок

Околу 2,3 милиони луѓе се веќе вакцинирани против коронавирус во Велика Британија

Британскиот министер за здравство Мет Хенкок вели дека е се уште нејасно до кој степен вакцинирањето го намалува ризикот од пренесување на коронавирус.

„Знаеме дека вакцината ги намалува шансите да добиете COVID-19, а потоа и да бидете хоспитализирани или да умрете од COVID-19“, рече Хенкок.

  • „Она што сè уште не го знаеме… е колку може да го пренесувате COVID-19, дури и ако не страдате од болеста, откако ќе ја примите вакцината“
Мет Хенкок, британски министер за здравство

„Навистина многу се надеваме дека има сигнификантно опаѓачко влијание врз таа преносливост откако ќе се вакцинирате“, додаде тој.

Ханкок ги даде коментарите на брифинг со новинарите денеска, каде што објави дека околу 2,3 милиони луѓе се веќе вакцинирани против коронавирус во Велика Британија. (Си-Ен-Ен)