Симптомите на Ковид-19 кај децата до шест години се обично благи или воопшто ги нема, додека кај постарите деца и адолесцентите клиничката слика може да биде потешка, а често се јавува и пневмонија. Сепак, оние кои имаат хронични и придружни болести може да развијат потешки форми на болеста, без разлика на возраста, а најзагрозени се дебелите.
Симптомите обично траат од пет до седум дена, а понекогаш и пократко. „Се случува дијарејата да помине за два дена, а температурата да трае до три дена. Значи, децата до шест години најчесто поминуваат со блага клиничка слика или немаат никакви симптоми, а се позитивни“, вели д-р Ковачевиќ
Кивање, кашлица, затнат нос и треска – кога ќе забележиме вакви симптоми кај децата, често се сомневаме дека се работи за инфекција со Ковид-19. Дали постојат специфични симптоми на Ковид-19 кај децата и кои деца се изложени на поголем ризик да развијат потешка форма на болеста, објаснува д-р Споменка Ковачевиќ, педијатар-пулмолог од Ниш, Србија.
„Симптомите на Ковид-19 кај децата се апсолутно неспецифични. Досега не се издвоил ниту еден за да кажеме: „Ете, тоа е токму тој симптом“. Малите деца обично имаат блага температура која не надминува 38 целзиусови степени, кивање, слаб апетит, малаксаност. Децата не знаат да кажат дека се малаксани, но родителите забележуваат дека детето повеќе лежи. Некои деца може да имаат дијареја и повраќање. Она што го носи детето на лекар за секој, па и за овој проблем, е покачената температура, особено сега во време на пандемија“, објаснува д-р Ковачевиќ.
Симптомите траат од пет до седум дена
Овие симптоми, вели докторката, обично траат од пет до седум дена, а понекогаш и пократко.
„Се случува дијарејата да помине за два дена, а температурата да трае до три дена. Значи, децата до шест години најчесто поминуваат со блага клиничка слика или немаат никакви симптоми, а се позитивни“.
Докторката наведува дека сепак мора да се има предвид дека кај децата во секоја возраст може да се јави пневмонијата, таа е всушност составен дел на болеста Ковид-19, но кај малите деца најмногу е видлива асимптоматска и клиничка слика на настинка, така што воспалението на белите дробови е ретко.
Децата и адолесцентите кои имаат хронични и придружни болести се изложени на ризик, бидејќи може да развијат потешки форми на болеста. На прво место децата и адолесцентите кои имаат патолошка дебелина т.е. индекс на телесна маса (БМИ) над 30, потоа оние кои имаат невролошки заболувања како церебрална парализа, оние кои имаат дијабетес, астма, цистична фиброза, нарушувања на имунолошкиот одговор и имунолошкиот систем…
„Кај постарите деца, особено кај тинејџерите, клиничката слика може да биде потешка, а и пневмонијата е почеста. За среќа, и тоа не е честа појава“, наведува д-р Ковачевиќ и додава дека сме сведоци дека овој бран на епидемија носи повеќе заболени и потешка клиничка слика кај децата.
Кај постарите деца, особено кај тинејџерите, клиничката слика може да биде потешка, а и пневмонијата е почеста
Кои деца се најмногу изложени на ризик
Децата и адолесцентите кои имаат хронични и придружни болести се изложени на ризик, бидејќи може да развијат потешки форми на болеста.
„На прво место децата и адолесцентите кои имаат патолошка дебелина т.е. индекс на телесна маса (БМИ) над 30, потоа оние кои имаат невролошки заболувања како церебрална парализа, оние кои имаат дијабетес, астма, цистична фиброза, нарушувања на имунолошкиот одговор и имунолошкиот систем… Тие се веќе доволно исцрпени од основната болест, така што може да настанат потешки облици на болеста, па и смртен исход“, предупредува д-р Ковачевиќ.
Дека последниот бран на коронавирусот е многу потежок за децата и тинејџерите, се гледа и по бројките – ги има повеќе во болниците, но и на респиратори, па на родителите им се советува да бидат внимателни. (Блиц)
