Насилството на социјалните мрежи или сајбербулингот (cyberbullying) е се почест проблем во светот. Освен тоа, токму тоа е појавата што ги загрижува голем број родители, а технологијата само придонесе децата да бидат жртви на злоупотреба во и надвор од училиштето. Иако на многумина од нас не им е непознато вознемирувањето преку Интернет – четворица од 10 возрасни доживеале онлајн вознемирување – тоа не е нешто што сакаме да го искусат нашите деца.
Како што објаснуваат психолозите, ефектите од насилството на социјалните мрежи можат да бидат исклучително штетни за детето, како за неговото физичко, така и за менталното здравје. За среќа, постојат знаци благодарение на кои родителите можат да препознаат дека нивното дете е изложено на насилство на Интернет, поточно на социјалните мрежи. Тие го вклучуваат следново:
- Нагли промени во расположението
- Повлекување во себе
- Избегнување на семејството или пријателите
- Нервоза по користење на дигитални уреди
- Промени во апетитот
- Импулсивност или агресивност.
Иако овие знаци сами по себе не треба да значат дека детето има проблем со насилството на социјалните мрежи, експертите предупредуваат дека родителите не треба да ги игнорираат. Исто така, постојат одредени начини на кои родителите можат да спречат идна злоупотреба.
Ова првенствено вклучува блокирање на насилниците. Имено, повеќето дигитални уреди денес имаат напредни поставки кои овозможуваат електронско блокирање на е-пошта, пораки или текстови од одредени луѓе. Исто така, на родителите им се препорачува да го ограничат пристапот на своето дете до технологијата, но и да го контролираат користењето на социјалните мрежи.
