Свесно или несвесно, сите нешто очекуваме од своите деца. Бидејќи понекогаш да се сака и очекува може да бидат синоними. Така на пример, сакаме, но можеби и очекуваме дека ќе има подобар живот нас. Дали поради тоа некогаш ќе ги турнеме во насока во која ние сакаме? Кој знае. И дали ќе може да си признаеме дека тоа сме го направиле со намера.
Во ред е да се имаат очекувања, но понекогаш е тешко да се види каде да се повлече границата. Размислете очекувате ли понекогаш премногу од своите деца. Овие знаци ќе ви потврдат, ако е тоа така:
Детето престанало со вас да ги дели своите стравови и неуспеси
Ако забележите дека детето престанало со вас да ги дели своите “не така блескави“ моменти, и повеќе ги премолчува отколку да ви се пожали, значи дека од вас очекува лутење или разочарување. А, тоа не е чувство кое треба да го негувате кон детето поради неуспех, родителите мора да бидат поддршка и сигурно засолниште.
Изгубило интерес за работите кои некогаш го интересирале и го веселеле
Детето кое некогаш сакало фудбал, без објаснување сака да престане да тренира и да оди на натпревари. Губењето на ентузијазмот за активностите кои некогаш биле забава и радост, може да се јави поради преголемиот притисок и очекувања од родителите. Најдобро е отворено да разговарате со детето и да проверите дали вие или другиот родител е одговорен за недостатокот на интерес.
Повеќе сте фокусирани на исходот, отколку на процесот
Сте скршнале од вистинскиот пат, ако поважни ви се медалите и петките, отколку тоа како целиот процес влијае на обликувањето на вашето дете и при тоа каква работна етика се развива кај него. Четворка стекната со труд и залагање е повредна од понекогаш “лесната“ петка.
Не уживате повеќе во нивните активности
Кога родителите премногу ќе ги надвладее желбата нивните деца да бидат ништо друго освен први и супер успешни, радоста на учествување и следење едноставно се троши. Научете само да седите, гледате и уживате, Тоа е ваше дете кое прави нешто што го сака и во кое вложува труд. Немојте ни во главата, а не на глас постојано да коментирате што можело да се направи подобро. По ваше скромно мислење.
Детето покажува чести промени на расположението
Децата со набиен распоред и со премногу обврски на грбот, често покажуваат знаци на емовционален стрес и промени во однесувањето. Ако забележите дека детето се почесто е истрошено, безволно или апатично, можеби причината е дека едноставно од се му е доста и дека повеќе не знае да се носи со притисокот.
Детето чувствува дека вашето профаќање се темели на неговите постигнувања
Ако кон детето искажувате сколоност и позитивни емоции, му пружате поддршка и прифаќање само кога носи награди, тоа ќе порасне гледајќи како едното, нужно е поврзано со другото. Еден ден, поради најмал неуспех ќе се чувствува безвредно. Затоа пофалете го и бидете до него кога и не е прво на тронот, и кога е сосема обичен ден без натпревари. Покажете му љубов секој ден во неделата, и потсетете го дека го сакате оти е ваше.
