Омикрон варијантата на коронавирус се рашири низ целиот свет и е причина за повеќето нови инфекции со коронавирус. Иако симптомите се благи, со оглед на тоа дека се пренесува побрзо се шири и многу побрзо.
Бидејќи знаците на инфекција се преклопуваат со обичната настинка, понекогаш е тешко да се каже за каков тип на инфекција се работи. Според податоците, инфекцијата со омикрон во повеќето случаи дури и не доведува до респираторни проблеми. Најчесто тоа се суптилни знаци кои можат да се препознаат на два дела од телото.
Најчести симптоми на омикрон
Болката во мускулите е чест симптом на коронавирус. Дури и во случај на инфекција со омикрон, луѓето чувствуваат стегање и болка во мускулите. Според лекарите во Јужна Африка, каде што се пријавени првите случаи на омикрон, повеќето луѓе се пожалиле на мускулна болка позната како мијалгија. Врз основа на податоците собрани низ целиот свет, повеќето луѓе имаат благи респираторни проблеми со сериозни болки во мускулите. Назалниот секрет, болки во телото, болки во градите, болки во грбот и замор најчесто се поврзуваат со омикрон.
Две места на кои може да почувствувате болка
Двете најчести места на кои луѓето заразени со омикрон чувствуваат болка се – нозете и рамената. Во последните две години е познато дека коронавирусот може да предизвика болка во кој било дел од телото, но во случајот на омикрон, нозете и рамената се најчесто погодените области.
За каква болка станува збор?
Болката предизвикана од омикрон може да се манифестира на различни начини, но најчесто се карактеризира со болка која се шири и која може да се појавува и исчезнува додека не закрепнете од инфекцијата. Некои луѓе заразени со омикрон исто така се жалат и на чудно чувство како вкочанетост или слабост во нозете. Кога зборуваме за рамената, пациентите најмногу чувствуваат болка, напнатост и вкочанетост. Слабост во нозете и рамената, исто така, може да биде знак за инфекција со омикрон.
Зошто болката во мускулите е толку честа појава кај инфекција со омикрон?
Експертите веруваат дека болката во мускулите е чест симптом кај инфекциите кои се шират толку брзо, а коронавирусот не е исклучок. Но, зголемениот број на луѓе кои чувствуваат болки во телото може да се должи на неколку фактори. Ова може да се случи поради посредникот на воспалението или можеби затоа што варијантата омикрон влијае на коските и мускулите многу повеќе од претходната варијанта, пишува „Тајмс оф Индија“.
