ШТО Е ВАЖНО ДА ЗНАЕТЕ ЗА ПРВАТА СЕКУНДА ОД ЖИВОТОТ НА БЕБЕТО? Првата средба со големиот свет предизвикува силна реакција на малото тело

Светлина, поинтензивни звуци, разни тактилни дразби... многу нешта го дочекуваат бебето што ќе се роди.

Веднаш по раѓањето, бебињата воопшто не изгледаа како од некоја убава реклама. Првиот поглед на новороденчето често ги плаши родителите кои замислиле преслатко бебе со мазна кожа и слатки образи.

Бојата на кожата на новороденото бебе обично е синкаста или бледо розова, што е последица на заситеноста на крвта на плодот со кислород додека во матката престојува девет месеци. Детето се раѓа покриено со белузлав премаз (или верникс) кој ја штити кожата на бебето во матката и му помага полесно да помине низ родилниот канал.

Штом излезе од мајката, на бебето почнуваат да влијаат бројни надворешни дразби: температура, светлина, тактилна стимулација, зголемување на јаглерод диоксидот во крвта, дури и силата на гравитацијата. Сето ова е ново за новороденчето и го стимулира да го земе првиот здив, по што гласно ќе заплаче.

Штом бебето ќе почне да плаче, кожата му станува розова. Меѓутоа, дланките и стапалата може да останат сини некое време поради послабата циркулација – предизвикана од ограниченото движење во матката.

Не е ретка појава бебињата да се родат со необична форма на глава бидејќи коските на черепот, или фонтанелите, се подвижни за да можат да се движат додека минува низ родилниот канал. Во првиот месец по раѓањето, главата добива нормална форма, а до втората година на детето сите фонтанели се спојуваат.

Веднаш по раѓањето, бебето изгледа отечено. Најчесто отекуваат меките ткива на главата, лицето на бебето, особено очните капаци. Ова се должи на фактот што главата прва се пробива низ родилниот канал и е под најголем притисок.

По раѓањето, детето почнува самостојно да дише, белите дробови се отвораат и циркулацијата на крвта се обновува. Уринарниот, дигестивниот и ендокриниот систем стануваат поактивни, а се зголемува и моторната активност.