Што е забрането да јаде дете помало од 12 месеци

На децата треба да им се дозволи да ја истражуваат храната, но запомнете дека има одредени намирници кои треба да ги избегнуваат додека не наполнат една година.

Важен момент во животот на бебето е кога тоа ќе почне да јаде цврста храна, но постојат и опасности на кои родителите треба особено да внимаваат.

Ова е список на намирници кои можат да бидат опасни за вашето бебе.

  • СОЛ

Бебе не смее да јаде солена храна. Бубрезите на едногодишно дете не се доволно развиени да можат да се носат со големи количини на натриум, и затоа е важно да не се додава сол во оброкот на детето. Истовремено, имајте предвид дека секоја преработена храна во себе веќе содржи одредени количини на сол, па и таа треба да се избегнува.

  • МЕД

Консумирањето на мед во рана возраст може да доведе до развој на ботулизам кај детето. Тоа е ретка, но тешка болест која е предизвикана од анаеробната бактерија Clostridium botulinum, која создава спори и токсичен отров, а последиците на бебе под една година се сериозни.

  • СВЕЖ МОРКОВ

Крутоста на суровиот морков носи голем ризик од гушење кај малите деца. До оваа возраст, најбезбедно е детето морковот да го јаде сварен.

  • ЧОКОЛАДО

Секое бебе сака слатко, па така и чоколадо. Иако можеби мислите дека не е лоша идеја да му дадете коцка чоколадо, имајте на ум дека тоа содржи кофеин и млеко, што  дете помало од едга година тешко ќе го свари во стомачето.