Со помош на овие едноставни совети ќе превенирате појава на можни несакани последици од хормоналните промени по породувањето, како болки, чешање и појава на стрии на градите.
Од почетокот на забременувањето , во текот на бременоста, до самиот крај на доење на детето, градите кај жените се подложни на промени. Но, има можност на лесен и едноставен начин да си го олесните овој период од животот.
- Градник
Во периодот на доење многу е важно да избирате памучни градници кои не ги стегаат градите, но кои нудат стабилна поддршка. Моделите со корпи и жица не се добар избор, оти можат да ве стегаат и да го попречуваат доењето, односно создавањето на млеко. Исто така и градниците за доење се удобни и можете во нив и да спиете доколку градите ве болат во текот на ноќта.
- Стрии
Пеи изборот на препарати за нега на кожата во бременоста и по породувањето, предност се дава на средствата кои содржат природна база – етерични масла и билни екстракти. Добри се невенот, камилицата, алоето, маслинката, бадемовото масло, авокадото и ши и какао путерот, како и пчелиниот восок. Избегнувате користење препарати веднаш по породувањето, особено на градите, на кои не трба да ставате на почетокот ниту креми, ниту масла. Подоцна, кога бебето ќе научи да цица, може да се користат безбедни средства за нега.
Доколку градите ви се жешки и болни, ставете студени облоги. Одлично помага разладен лист од зелка. Отеченоста на градите може да се ублажи и со топла купка.
- Исхрана
За да спречите појава на стрии, важно е и правилно да се храните. Треба да пиете повеќе течности и да консумирате овошје и зеленчук, односно намирници кои содржат витамини Е и Ц, но и оние кои содржат протеини. Ограничете го внесот на сол, за да се намали задршката на вода во телото, а со тоа и отекувањето на градите.
