Смирете го бебето со масажа на стапалата – еве како правилно да ја направите

Освен што ќе го смирите детето, оваа едноставна масажа ќе помогне и во зајакнување на мускулно-коскениот систем, ќе ја подобри циркулацијата и тонусот на мускулите. За време на масажата зборувајте му на вашето бебе.

Доколку вашето бебе плаче и никако не можете да го смирите, а здраво е, нахрането, преповиено, обидете да го смирите со масажа на стапалата.

Таа се прави час и половина по хранењето, или два до три часа пред спиење. Освен што ќе ка смири, оваа масажа ќе помогне и за јакнење на мускулно-коскениот систем, ќе ја подобри циркулацијата и тонусот на мускулите кај детето.

Препорака е масажата да се избегнува кога детето има зголемена телесна температура, инфекција или иритација на кожата.

Техниката изгледа вака:

Кај бебе кое има помеѓу два и три месеци се започнува со пет, шест лесни движења на вашите палци, по страничните делови на стапалото. Потоа се прават движења како да наизменично се испишуваат бројките седум, па осум. Тоа трае две минути. На крајот лесно направете шест движења нагоре-надолу по табаните на детето.

Кај бебе кое има помеѓу четири до седум месеци, направете го истото што е веќе споменато, но додадете и пет лесни движења со притискање на вашиот палец на делот на табанот, под прстите и тоа нека трае седум минути. На крајот кружете лесно со палецот по стапалаото, исто така во траење од седум минути.

Кај бебињата постари од осум месеци, додадете и масажа на секое прсте одделно во вкупно траење од 10 минути.

ВАЖНО! Зборувајте му да своето дете додека му ги масирате стапалата.