“Се чини дека годишните времиња не делуваат на преносот на вирусот, кој усмрти повеќе од 650.000 лица во светот и зарази над 16 милиони“, изјави портпаролот на организацијата Маргарет Харис.
Таа како пример наведе дека во една од најзафатените земји во светот, САД сега е лето, а во втората најпогодена Бразил е зима.
“Долго се задржа уверувањето дека вирусот е сезонски, но мора да запомниме дека се работи за нов вирус и иако се работи за респираторен вирус, кои искуствено се сезонски, овој се однесува поинаку“, изјави Харис.
Таа потесети дека уверувањето дека опасноста од зараза е помала во лето и повтори дека “вирусот ги сака сите годишни времиња“.
Според Харис спојот на вирусот на грип, кој е сезонски и владее во зима, и новиот коронавирус е загрижувачки и може да го зголеми притисокот на здравствените системи.
“На сите им препорачуваме да се вакцинираат против грип“, советуваше таа.
