Блискиот, сигурен однос и поврзаноста со детето уште од најмала возраст е многу важна основа за сè понатаму во животот. За да се изгради таков однос, потребно е родителите да бидат вистински посветени на своите деца, да бидат целосно присутни, што не е секогаш лесно поради сите обврски што ги имаат мајките и татковците.
Меѓутоа, добрата вест е дека ви се доволни три минути целосна посветеност и искрено внимание за да го подобрите односот со вашето дете.
Она што е потребно е секогаш кога ќе го видиме нашето дете – кога ќе се вратите од работа, кога ќе се врати од училиште, градинка итн. , првите три минути бидете целосно посветени на вашето дете.
Но, она што е важно е да барем тие три минути сте исклучиво фокусирани на детето, да не гледате во телефонот, да не разговарате со некого, туку целото внимание да го посветите на детето.
Силна прегратка, искрен поглед, прашања кои покажуваат внимание, интерес за тоа како детето го поминало денот, како било на училиште, со другарите и слично, сето тоа се работи кои можат да се вклопат во овие три минути, а се важни за создавање врска со детето.
Зошто е важен овој пристап?
На овој начин децата се чувствуваат ценети и сигурни. Овие моменти покажуваат дека детето му е важно на родителот, за да се чувствува сакано.
- Ја зајакнува емотивната врска. Се создава силен „мост“ на комуникација помеѓу детето и родителите.
- Помага во развојот на самодоверба. Детето кое чувствува дека неговиот родител навистина го слуша, развива чувство на самопочит.
- Спречува несакано однесување. Децата кои добиваат позитивно внимание немаат потреба да бараат внимание на негативни начини – хистерија, грдо однесување…
Зошто овој метод функционира добро?
Во детската психологија, првите моменти на раздвоеност (додека детето е на училиште, родителот е на работа и сл.) имаат голема емоционална тежина. Тие му помагаат на детето да почувствува сигурност, љубов и емоционална стабилност. Во свет во кој темпото е брзо, а вниманието е секогаш расфрлано, овие три минути се мала инвестиција од исклучителна вредност.
Целта на овој едноставен и ефективен метод е да се создаде и зајакне емоционалната врска помеѓу родителот и детето, а тоа треба да се работи секојдневно.
