Трик за намалување на болката при никнување на заби кај бебето

Понекогаш наједноставните решенија имаат најголеми резултати. Ова е трик на една мајка како на бебето да му го олесните растењето заби.

Периодот на растење на забите кај детето знае да биде многу непријатен, и за бебето, но и за родителите. Никнувањето на забите може да биде болен процес за најмалите кои не се навикнати на болка. Некои бебиња можеби нема ни да го почувствуваат растењето на забите, но речиси и да нема бебе кое барем малку нема да се пожали на состојбата.

Една мајка на социјалните мрежи споделила трик како да му се олесне растењето заби на бебето. Оние родители кои го пробале, велат дека “прави чуда“.

Трикот е многу едноставен. Се што ви треба е мало крпче, ладна вода и калап за мафини. Крпчето намокрете го во ладна вода, свиткајте го и ставете го во калап за мафини, па во замрзнувач. По половина час, смрзнатото крпче понудете му го на детето. Додека го гриза, тоа ќе му ги разладува непцата и на тој начин ќе ја ублажи болката.