Вадење крајници кај децата – штета или корист?

Вадењето крајници порано била најнормална работа, но сега научниците велат дека долгорочните ризици сепак се поважни од користа кај децата.

Децата на кои им се извадени крајниците имаат речиси три пати поголема веројатност дека ќе развијат астма и други белодробни болести, покажале резултатите од најновото истражување. Операцијата вадење крајници порано била најнормална работа, но сега научниците велат дека долгорочните ризици сепак се поважни од користа кај децата.

Крајниците му помагаат на телото да се бори против инфекции, но може да дојде до ангина и воспаление на крајниците, поради што тие стануваат болни и отечени.

Во студијата која била спроведена на Универзитетите во Копенхаген и во Мелбурн, се следеле 1,2 милиони луѓе повеќе од 30 години и е најголема студија од ваков вид. Како и останатите болести поврзани со дишењето, вадењето на крајниците и аденоидот (трет крајник), го зголемува ризикот за воспаление на средното уво и појава на синуситис.

 

Истражувачите сугерираат дека докторите би требало да разгледаат повеќе терапии, освен отстранување на крајниците, што може лошо да влијае на долгорочното здравје на децата.

 

 

Според истражувањето, вадењето крајници речиси тројно го зголемува ризикот за болести на горните дишни патишта. Исто така, се покажало дека и со отстранувањето на третиот крајник во детството, ризикот од болести на белите дробови подоцна во животот е дуплиран.