ВАКЦИНАЦИЈА: Што доколку не се појави никаква реакција? Дали во тој случај делува вакцината против Ковид-19?

Несаканите ефекти покажуваат дека вакцината делува, но експертите велат дека нема причина да стравувате ако тие изостанат

Не мора да имате несакани ефекти за да знаете дека сте заштитени, велат експертите
Изостанувањето на реакција не значи дека лицето е незаштитено, изјавија тројца експерти Пол Офит, директор на Центарот за вакцини во Детската болница во Филаделфија, Глен Рол, имунолог од Центарот за рак „Фокс Чејс“, Филаделфија и Сара Колс, семеен лекар и доцент на Медицинскиот колеџ на Универзитетот во Аризона

Огромен број на лица кои примиле вакцина против Ковид-19 доживеале несакани ефекти и ова е добар показател дека имунолошкиот систем се подготвува да одговори во случај на инфекција, но доколку овие знаци изостанат, нема потреба да се грижите, велат експертите.

Краткиот одговор на прашањето „Дали треба да се грижите ако немате реакција по примање на вакцината против Ковид-19“ – е НЕ. Не треба да се грижите затоа што изостанувањето на реакција не значи дека лицето е незаштитено, изјавија тројца експерти Пол Офит, директор на Центарот за вакцини во Детската болница во Филаделфија, Глен Рол, имунолог од Центарот за рак „Фокс Чејс“, Филаделфија и Сара Колс, семеен лекар и доцент на Медицинскиот колеџ на Универзитетот во Аризона.

„Вакцината сеедно делува и ако немате несакани ефекти“, рече Колс, нагласувајќи дека „многумина имаат несакани ефекти, но многумина и немаат“.

На тоа дали некој ќе има несакани ефекти после примање на вакцина против Ковид-19 може да влијаат и други фактори, како што се замор, стрес и толеранција на болка

Отсуството на главоболка или покачена температура не е причина за загриженост, вели Пол Офит. „Сигурно е дека не мора да имате несакани ефекти за да знаете дека сте заштитени“.

„Повеќето современи вакцини предизвикуваат малку несакани ефекти, а сепак делуваат добро“, додаде Глен Рол.

Како и да е, на тоа дали некој ќе има несакани ефекти после примање на вакцина против Ковид-19 може да влијаат и други фактори, како што се замор, стрес и толеранција на болка, пренесува „Хина“.