Авторите на студијата, објавена во швајцарскиот журнал „Frontiers in Psychology“, тврдат дека мирисот на новороденче е толку моќен што е во состојба во мозокот на возрасните да предизвика силно чувство на задоволство, слично на она кое се случува кај зависниците од психоактивни супстанции.
Но, тој неодолив мирис на новороденче исчезнува шест недели по неговото раѓање. Иако точниот молекуларен состав на овој мирис е непознат, научниците се сомневаат дека доаѓа, меѓу другото, од молекули кои се наоѓаат во амнионската течност.
Овој мирис има силен ефект врз возрасните и во нив буди чувство на неизмерна среќа и задоволство
Иако акушерките темелно го капат бебето по раѓањето, трагите на молекули остануваат шест недели на неговата кожа, а особено на косата. Овој мирис има силен ефект врз возрасните и во нив буди чувство на неизмерна среќа и задоволство.
Ова го потврдија и резултатите од експериментот во кој учествувале 30 жени. Тие биле замолени да мирисаат ќебенца на новородени бебиња, а со прецизни уреди кај сите нив, без исклучок, е истакната зголемена активност во деловите на мозокот одговорни за создавање чувство на задоволство.
