Желбата за специфична храна или за комбинација на храна (туршија и сладолед) е релативно честа. Точната причина за тоа не се знае, а нема докази дека е последица на нутритивен дефицит. Некои стручњаци сметаат дека за тоа може да се одговорни хормонални или емотивни причини.
Вистина е дека вашето тело има нагласена желба за супстанци што му недостасуваат. Понекогаш желбата е сигнал дека нешто мора да вклучите во исхраната.
Ако сакате токму сладолед, можеби на организмот му треба повеќе калциум, а ако имате силна желба за јадења од изнутрици, проверете ја крвната слика. Желбата за млеко може да значи дека имате потреба за калциум,а за овошје е сигнал за потреба од витамин Ц.
Се случува и желбата за храна да биде присилна желба за консумирање на овие намирници кои претходно не сте ги сакале. Најчесто тоа се слатки работи, млечни производи, солени бисквити, цитрусно овошје, зачинета храна… Во бременоста се случува жени кои сакале да јадат месо, одеднаш да станат вегетаријанки или опсесивно да почнат да јадат чоколадо или кисели намирници. Некои од овие појави се хормонално условени, како и при одредени фази на менструалниот циклус. Слично се случува и во бременоста. Одредени теории ова го поддржуваат како телесна мудрост.
