Зошто дете не треба да седи во оваа положба

Правилниот развој на бебето, односно детето на секој родител му е на прво место. За што подобар моторен развој на детето може да допринесеме и така што ќе го поттикнуваме правилно да седи, односно да не седи во одредени положби кои може да му наштетат на неговиот развој. Една поза во која децата многу често седат, може да биде исклучително штетна, тврдат стручњаците.

Развојот на детето се состои од разни фактори, а еден од нив е и правилното седење. Обрнете внимание на тоа како вашето дете седи. Тоа е поважно отколку што сте мислеле.

Имено, стручњаците од Институтот Pediatric Therapi Center дошле до заклучок дека популарната детска седечка поза на под во која детето секоја нога ја држи о едната страна на телото, свиткана во колена, правејќи со нозете форма на латиничната буква W, може да наштети во подоцниот развој на детето.

Кај децата кои седат во оваа положба и по навршени две години, постои опасност од недоволно развивање на базичната сила на телото и рамнотежа на одредени моторички вештини, потребни за скокање и трчање.

Оваа поза во која децата многу често седат, може да биде исклучително штетна, тврдат стручњаците.

Исто така, може да предизвика и недоволно развиени мускули во нозете, колковите и зглобовите, а може да доведе и до дислокација на колкот. Долгото седење во оваа положба може да резултира и со тоа да ножните прсти секогаш бидат свртени навнатре.

Оттука, многу е важно родителите да ги поттикнуваат децата да седат во безбедни и здрави положби, како седење на страна или седење на под со испружени нозе.