Односот мајка-син е еден од оние кои влијаат на формирањето на личноста на детето. Од односот на синот со мајката ќе зависи неговата самодоверба во возрасниот период, како и самопочитувањето, но и односите со идните партнерки и начинот на кој еден ден ќе се соживее со татковската улога. Затоа, мајки, еве кои десет работи треба да им ги кажете на вашите синови за еден ден да бидат задоволни и мажи кои се полни со љубов.
“Те сакам“
Можеби е лесно да се каже на синот: “Те сакам“, кога синот е мало момче, но нему му треба ваше признание дека го сакате и кога ќе влезе во пубертет и кога ќе порасне во маж. Кога вашето малечко момче ќе стане тинејџер, можеби ќе биде тешко да го “уловите“ на разговор лице в лице, но тоа е важен дел од комуникацијата со него.
“Ајде да си играме“
Како мајка, можеби не секогаш ги разбирате игрите што сака да ги игра вашиот син. Ако вие како дете сте си играле со кукли, нормално е понекогаш играта на вашиот син да ви се чини малку подива. Меѓутоа, важно е на синот да му покажаете дека сте заинетерсирани за тоа што тој сака да го прави.
Седнете со него на под (или во земја) и играјте си со коцки, автомобилчиња и акциони фигури. Играјте видео игри со него кога ќе порасне (дури и ако не ги сакате). Одете соо него на планинарење, риболов. Што и да го интересира вашиот син, обидете се да се вклучите во тоа. Ако ја правите оваа едноставна работа, можеби подобро ќе го сфатите.
“Во ред е да плачеш“
Момчињата (често) уште од мали нозе учат дека плачењето е за “девојчињата“. Како резултат на тоа, момчињата учат да ги кријат своите чувства за да бидат момчиња, а подоцна “вистински мажи“. И вашето момче доживува страв, грижа и тага. Внимавајте внимателни да не му ги “задушите“ чувствата бидејќи не му дозволувате слободно да плаче.
“Ист си како татко ти“
Вообичаено, кога мајките го велат ова, тоа е во грд контекст. Но, треба да ги истакнувате позитивните страни на вашиот партнер и воедно да го охрабрите синот. Бидејќи, повеќето момчиња не сакаат ништо друго освен да бидат како нивниот татко.
“Може прегратка?“
Кога момчињата ќе пораснат до одредена возарст (обично се тоа тинејџерските години), потребата да ги гушнеме е се помала. Меѓутоа, тие и понатаму имаат потреба од нашиот допир. Кога ќе станат тинејџери, често имаат проблем со формирање на самопочитувањето. Ако “бегате“ од прегратка со својот син, само ќе му го отежнете растење и прифаќањето на самиот себе. Брза прегратка, потчукнување по грбот или допир по косата може да помогнат во јакнење на самодовербата на вашиот син и се потврда за вашата љубов кон него.
“Слушај го тато“
Важно е вашиот син да биде свесен дека вие и неговиот татко сте на иста страна, дека се согласувате во воспитувањето и ставовите. Ако како мајка постојано му контрирате на сопругот кога е воспитувањето во прашање, или го омаловажувате пред децата, вашиот син ќе расте со несигрност за својата идна улога на татко и сопруг.
