Кога дете има покачена телесна температура, осип, кашла или повраќа, тоа на родителите им е јасен знак дека нешто не е во ред и дека треба да ја побараат причината за болеста.
Но, знаците дека нешто не е во ред, често може да бидат многу посуптилни. Слабеење, тенчење или опаѓање на косата кај детето исто така може да биде показател дека нешто се случува и треба да се обрне внимание.
Сите губиме коса секој ден, паѓа при миење и чешлање, па на прв поглед можеби нема да ви се чини дека се случува нешто чудно или поинакво.
Но, ако сепак забележите дека детската коса се истенчила или дека опаѓа повеќе од вообичаено, би било добро да ја побарате причината за проблемот за да знаете што се случува.
НАЈЧЕСТИ ПРИЧИНИ
Според експертите, најчеста причина за опаѓање на косата кај децата е габична инфекција на скалпот. Можеби звучи како нешто сериозно, но всушност е многу лесно за лекување. По третманот, детето повторно ќе има здрава и бујна коса.
Како да препознаете габична инфекција? Внимавајте дали детето има црвени дамки на скалпот и дали интензивно се чеша. Причината поради која косата се истенчува и опаѓа е поради сето тоа чешање со кое детето бара олеснување.
КУБЕЊЕ/ВЛЕЧЕЊЕ НА КОСАТА
Многу деца имаат навика да ја вртат косата околу прстите или пак ја кубат и слично. Косата поради таа навика нема да изгледа тенка, но дефинитивно ќе ја има помалку поради опаѓање. Иако може да се чини дека тоа повлекување и кубење (влечење) е некоја безопасна навика, зад тоа може да се крие подлабок проблем.
На пример, детето може да има посериозни емоционални или ментални проблеми. Тоа може да биде начинот на кој се справувате со анксиозноста или кои било други стресни моменти во животот. Ако мајката може да “сфати“ зошто нејзиното дете си игра со коса, веројатно ќе интервенира и ќе ја реши причината.
ШТО ЈАДЕ?
Тоа си што јадеш, а она што го јадеш може да влијае и на здравјето на косата. Така, недостатокот на хранливи материи во исхраната може да влијае на истенчување, па дури и на опаѓање на детската коса.
ТРАКЦИСКА АЛОПЕЦИЈА
Ова звучи многу посериозно отколку што настина е. Се работи едноставно за преголем притисок ставен на темето.
Стручњаците сметаат дека причината за ова е многу цврсто врзано и носено опавче, пелетенки, пунџа. Оваа напнатост е постојана, а може да предизвика оштетување на фоликулите, што значи дека косата нема да расте. Ова повеќе се однесува на девојчињата, а родителите ги користат овие начини со цел косата да не му оди во очи на детето и да не биде залепена за лицето.
Во секој случај, на косата треба да и се дава повеќе одмор додека не се опорави, а кога косата се врзува, треба да се користат “дебели“ меки ластичиња, стегачи кои нема пресилно да ја стегаат косата.
