10 работи кои би сакала да ги знаев додека децата ми беа мали

Мајка на четири деца со “искуство“ од 14 години, ги советува новите родители до што треба да се придржуваат за полесно да ја поминат првата година со децата.

Мајката Кејт, блогерка и поранешна воспитувачка во градинка, денес има неуредна кујна, несреден двор и четири деца. Таа на својата страница напишала дека зборувала со својата пријателка чие прво дете наскоро ќе наполни една година. Пријателката и рекла дека е исцрпена и ја прашала зошто некој би бил толку луд да има уште деца.

Кејт низ насмевка и одговорила дека никогаш немала само едно дете, па не знае за што зборува, но дека станува полесно или едноставно ти самиот стануваш подобар во мајчинството по првиот пат. Сфатила дека тоа е нејзина ‘работа’ веќе 12 години и дека сега знае некои трикови кои ги олеснуваат работите.

Ова се 10 нејзини совети за кои рекла дека би сакала да ги знаела додека децата и била многу мали:

  • Книгите за родителство ги немаат сите одговори, како ни “експертите“ околу тебе. Ти најдобро го знаеш своето дете.
  • Секогаш пред перење, проверете ги џебовите на децата, особено во есен. Костените и прават лоши работи на машината за перење алишта!
  • И тоа, исто така ќе помине… навистина ќе помине.
  • Најдобар начин да го заштитите детскиот кревет од ноќно мокрење и повраќање – пешкир, кеса за ѓубре, пешкир, кеса за ѓубре, слој под слој под слој.

  • Момчињата може да мочкаат на секакви места. Девојчињата може да си измочкаат нозете, се до стапалата, додека не совладаат како е правилно.
  • Спиење цела ноќ, први чекори, одење, навикнување на нокшир се големи замки за споредување со други деца ако сте прв пат родител… НЕ ГО ПРАВЕТЕ ТОА.
  • Совладувањето на уметноста на насмевка и нејасно климање со главата е клучна – за добронамерни совети, глупави коментари, натпреварувачки настроени родители, но и за во ситуации кога едноставно сте толку уморни да не можете да се концентрирате што другите зборуваат.
  • Има време… не се замајувајте со помислата дека морате да брзате низ деновите, оти всушност нема смисол, бидејќи веќе никогаш никаде нема да стигнете на време.
  • Ако ти и твоето дете (деца) сте биле чисти кога сте излегле од дома, сметај го тоа за победа. Никој нема да ја забележи дамката од бљуцкањето на бебето ако носите маица во крем боја.
  • Ќе бидеш уморна. Поуморна од што си можела да помислиш, а сепак колку толку, ќе извршуваш се добро. ДА, тоа е неверојатно.

Некои работи мора да ги проживееме сами и да научиме од нив, а една од тие е и родителството. “Ќе бидете родител каков што ќе бидете. Ќе давате се од себе, некогаш ќе се чувствувате како промашување и на крајот од денот ќе се прашувате како се сте успеале. И тоа е во ред.