Доењето е неверојатна работа гледано од сите перспективи. Од нераскинливата врска што се создава со мајката веќе во првите часови по раѓањето, па се до придобивките што ги има за бебешкото здравје – мајчиното млеко со право се нарекува течно злато.
Мајчиното млеко содржи живи клетки, вклучувајќи и матични клетки, кои подоцна се претворат во други, како клетки на мозокот, срцето, бубрезите, коските. Мајчиното млеко содржи антитела и живи бели крвни зрнца кои му помагат на бебето да се бори против инфекции. Кога вие или бебето се борите со инфекции, нивниот број во млекото се зголемува.
- Колострумот (првото млеко) содржи некои посебни протеини кои го штитат бебето од бактерии во цревата уште од самиот почеток.
- За време на доењето се лачат пролактин и окситоцин, хормони кои помагаат да се поврзете со бебето и го намалуваат стресот и анксиозноста.
- Вкусот и мирисот на млекото се менуваат во зависност од храната што ја јадете. Ако јадете разновидна храна, тогаш ниту детето подоцна нема да биде пребирливо.
- Кога бебето почнува да јаде цврста храна, може да користите мајчино млеко во рецептите.
- Мајчиното млеко не е секогаш бело. Може нијанса да влече накај сино, зелено, жолти, розово, во зависност од вашата исхрана. Не грижете се, сосема е во ред.
- Количината мајчино млеко што ја создавате не зависи од големината на вашите гради. Мајките со мали гради може да имаат многу голема количина на млеко.
- Вашето млеко константно се менува во зависност од потребите на бебето. Од месец во месец, дури и од ден во ден. Некогаш се менува и од подој во подој.
- Мајките кои дојат имаат намален ризик од развој на рак на дојка, рак на јајчници, срцеви болести, дијабетес и постпородилна депресија. Колку подолго доите, толку сте позаштитени.
- Доењето го намалува ризикот од развој на многу болести кај детето, како инфекции на ушите, респираторни инфекции, гастроентеритис и некротичен ентероколитис.
- Мајките на предвремено родените бебиња во млекото имаат повеќе протеини, масти и други минерали за коските и развој на мозокот, но и заштита од разни болести.
