Според податоците на Државниот завод за статистика, во Република Северна Македонија во 2021 година во градските подрачја живородени се 11.224 деца или 60.2 % од вкупниот број на живородените деца, додека 7.424 или 39.8 % деца се живородени во селските подрачја. Најголемо учество во однос на вкупниот број раѓања по региони има Скопскиот со 38.9 % а најмало Источниот регион со 6.3 %.
Просечната возраст на прворотките во градските подрачја е 28,3 години, а во селските 26 години
Просечната возраст на мајката при вкупниот број раѓања во градските подрачја е 29,9 години, а во селските подрачја 28,4 години. Просечната возраст кај првите раѓања во градските подрачја е 28.3 години, а во селските подрачја 26.0 години. При првото раѓање, мајката од селските подрачја е помлада за 2,3 години, се вели во соопштението на Државниот завод за статистика, објавено вчера на нивната вебстраница.
