5 работи кои родителите во 80. години им ги дозволувале на децата

Многу родители ќе кажат дека некогаш детството било безгрижно и поопуштено. Сепак, повеќето родители денес никогаш не би им дозволиле да прават работи како што родителите во 80. години им дозволувале на децата.

Не е дека родителите во 80. години на минатиот век биле поневнимателни или неодговорни. Но, денес родителите имаат поголем пристап до информации и најнови истражувања, отколку што имале нивните родители. Иако често изгледа дека тогаш детството биле безгрижно, на повеќето денешни родители им се дига косата на глава од родителстиот стил во тие минати години.

Ова се пет работи кои родителите во 80. им ги дозволувале на своите деца, а од кои денешните се згрозуваат:

Ги пуштале децата сами да останат дома

Пред неколку децении, било вообичаено за родителите да ги остават децата сами дома додека не се вратат од работа. Многу деца би дошле од училиште, би извршиле некои домашни обврски, па дури и сами си правеле ручек или вечера или барем би почнале да си прават.

Денес, повеќето родители на мали деца не им дозволуваат ниту да бидат сами дома во тоалет, а не да дозволат шестгодишно дете да остане само дома.

Им дозволувале да возат велосипед без кацига

Не е дека во тоа време не постоеле кациги, туку децата не сакале да носат, а родителите не се замарале дали детето ќе добие гребаници или модринка. Мал број деца носеле кациги, или друга заштита на колената и слично.

Децата на велосипед денес мораат да носат заштитна кацига се до својата 16. година. Освен тоа, родителите се и тоа како свесни за страшните приказни за повреди на мозокот со кои се секојдневно бомбардирани.

Ги возеле децата во автомобил без седиште

Да, седишта за во автомобил постоеле и тогаш, но повеќето родители не ги користеле. Родителите денес се толку исплашени од сите можни и неможни сценарија, што седиштата едноставно се задолжителна опрема во секој автомобил, а и Законот за безбедност во сообраќајот пропишува задолжително користење на седиште за дете во автомобил.

Ги пуштале децата да си играат… било каде и на било што

Денес, не дека родителите не ги пуштаат да си играат сами, туку и внимаваат и каде децата играат и со што си играат. Посебно заштитени нишалки и играчки од посебни материјали. Обичните игри во паркот станаа научна фантастика. Родителите во 80. не ги гледале децата и со часови додека тие безгрижно си играле во маалото.

Не мислеле толку што децата треба да јадат

Во 80. важно било да се биде практичен и тоа било целата уметност околу храната. Денешните родители ги проучуваат состојките кои нивните родители не би ги ни погледнале. Важно е денес што се јаде, колку се јаде и кога се јаде.