Љубовта кон детето нема граници, но ако сакате да одгледате добро воспитано дете ќе мора да воспоставите некои основни правила. Ова се седум совети кои ќе ви помогнат во корен да пресечете лошо однесување кај детето:
Поставете јасни, едноставни граници
Ако не оставите простор за толкување, ќе избегнете расправија подоцна. Ако му кажете на детето дека може да добие колаче, оставате простор тоа да се надева дека ќе добие и второ, после првото. Наместо тоа, кажете му на детето дека може да добие само едно колаче и подоцна да не ве прашува и за второ.
Држете се до поставените граници, без исклучок
На сите им се случува да им речат на децата дека може да изедат едно чоколадо, а тогаш почнуваат да размислуваат дали е тоа добра одлука. Оваа ситуација треба да се разгледа во долгорочна смисла. Можеби и би било во ред детето да добие ушпте едно чоколадо, но запрашајте се дали сакате секој нареден пат да бидете во дилема. А, тоа ќе се случи ако не се држите до поставените граници.
Не попуштајте на молбите
Ова е едноставно правило. Еднаш кога ќе попуштите, сте го научиле детето дека тоа му поминува кај вас.
Нека детето ве убеди дека треба да му дозволите
Ако детето сака нешто околу кое не сте сигурно, побарајте од него да ве убеди дека за тоа треба да му дадете дозвола. На пример, ако сака нешто да гледа на телевизија и се обврзе дека прво ќе ги расчисти играчките или ќе поспие, можете да се сложите дека е во ред подоцна да ја изгледа омилената емисија.
Барајте детето прво да ги заврши обврските, па тогаш да си игра
Со попуштање не му правите никаква услуга на детето. Студии покажуваат дека тоа што се конкретни по прашање на обврските и одговорностите, развива кај детето способност да се избори со фрустрациите. Ова дури важи и за дете кое има едноставни обврски по дома, како што се раскревање на играчките на место, или ви помага да го расчистите нередот што го направило.
Не плашете се од разочарувања
Никој не сака да гледа како детето му е тажно, но тоа не може секој пат да добие тоа што го сака. Додека учи како да прифати разочарување, детето воедно развива и способност подоцна во животот да се соочи со емоционални стресови.
Учете го детето да заработи за да го добие тоа што сака
Многу стручњаци веруваат дека децата стануваат размазени доколку лесно го добиваат она што го сакаат. Како последица на тоа, таквите деца се земаат здраво за готово. Ако детето сака нова играчка, поставете систем на наградување во кој, па малку по малку, со добро однесување ќе ја заработи играчката што ја сака.
