Во 96 проценти од случаите, пациентите почнале да примаат антибиотик во првите 48 часа од приемот во болницата
♦♦♦♦♦♦♦
Огромно мнозинство на пациенти со Ковид-19 примени во американските болници во првите месеци од пандемијата добивале антибиотици дури и пред да се потврди дека имаат бактериска инфекција, покажа студија објавена во средата.
„Она што на крајот нè загрижува е што овие податоци би можеле да значат долгорочно во борбата против развојот на антибиотската резистенција“, изјави Дејвид Хјун, директор на проектот за отпорност на антибиотици
Студијата спроведена од Pew Charitable Trusts покажува дека овие лекови биле прекумерно пропишувани од февруари до јули 2020 година, додека лекарите се обидувале да лекуваат пациенти во време кога немаше многу опции за третман на коронавирусната болест.
Антибиотиците не делуваат на вирусите, а се пропишуваат за лекување на секундарни бактериски инфекции.
„Она што на крајот нè загрижува е што овие податоци би можеле да значат долгорочно во борбата против развојот на антибиотската резистенција“, изјави Дејвид Хјун, директор на проектот за отпорност на антибиотици во Pew.
Со студијата биле опфатени 5838 хоспитализирани пациенти, а истата укажува на ризикот од непотребно пропишување на антибиотици што може да го забрза појавувањето на микроби отпорни на лекови.
Отпорноста на лекови е поттикната, меѓу другото и со прекумерно и погрешно давање на антибиотици и други антимикробни препарати.
Антибиотиците не делуваат на вирусите
Бактериите се менуваат за да го избегнат убиствениот ефект на антибиотиците и наоѓаат начини да го преживеат дејствувањето на лековите.
Според студијата, најмалку еден антибиотик бил пропишан кај 52 проценти од хоспитализираните пациенти поради Ковид-19. Бактериската пневмонија била дијагностицирана кај 20 проценти од пациентите со Ковид-19, а кај девет проценти од инфекциите на уринарниот тракт, било оправдано пропишувањето антибиотик.
Во 96 проценти од случаите, пациентите почнале да примаат антибиотик во првите 48 часа од приемот во болницата.
Податоците покажуваат дека повеќето пациенти кои примиле антибиотик веднаш по пристигнувањето во болницата, не добиле дополнителни дози подоцна, што укажува на напорите да се ограничи прекумерното давање на антибиотици.
